Որոնել
Փակել
Please select payment method

Բոդիպոզիտիվի, մարզման կարևորության և իմ մարզման ռեժիմի մասին

Ես միշտ խնդիրներ եմ ունեցել ավելորդ քաշի հետ, ուստի հասուն կյանքիս ամբողջ ընթացքում ես պահել եմ դիետաներ և մարզվել եմ։ Իմ առաջին մարզական հեծանիվը ունեցել եմ 16 տարեկանում: Ինչ-որ մեկը կարող է ուտել այն, ինչ ուզում է և դեռ հիանալի մարզավիճակում մնալ, բայց սա իմ մասին չէ։

Եթե ​​ես այսօր ինձ ազատություն տայի ու շատ քաղցրավենիք ուտեի, վաղը արդյունքը կտեսնեի կշեռքի վրա: Աստված ինձ չի շնորհել այնպիսի կազմվածք, որի վրա աշխատելու կարիք չկա, բայց շնորհել է այլ բան, ու շատ ավելին: Ես շատ փիլիսոփայորեն եմ վերաբերվում այս խնդրին: Կարող եք համակերպվել ձեր բնության հետ, կամ կարող եք պայքարել և փոխել այն. Իմ ընտրությունը երկրորդ տարբերակն է։

Ես միշտ ասում եմ, որ ցանկացած նոր ձառնարկած գործում կարևորը  կանոնավորությունն ու հետեւողականությունն է: Ես Marvel Universe- ի հերոսուհի չեմ, և չնայած հազվադեպ, բայց երբեմն բաց եմ թողնում մարզումները: Բայց եթե չկա ֆորս-մաժոր, և ես ապրում եմ իմ սովորական աշխատանքային գրաֆիկով, ապա ես շաբաթը առնվազն երեք անգամ մարզվում եմ։ Աա  ֆունկցիոնալ մարզում է, ձգում և հիմնական քաշային վարժություններ: Ինտերվալ ռեժիմում մարզվելու համար ես օգտագործում եմ սրտի մակարդակի ցուցիչ։ Կան սրտի մակարդակի հաճախականության մի քանի ռեժիմներ, որոնց հսկողությունը թույլ է տալիս չծանրաբեռնել մարմինը և վերահսկել ճարպի այրման գործընթացը: Ի վերջո, ողջ խնդիրը կայանում է ճարպի մեջ, ավելի ճիշտ`դրա տոկոսի։

Այս թեմայով մենք շատ ենք զրուցում իմ մարզիչ Միշա Կուզնեցովի հետ: Կան բարակ կազմվածքի տեր աղջիկներ,  ովքեր ունեն 10-15% մարմնի ճարպ (խոսքը ճարպի, ջրի և մկանների բալանսի մասին է): Նման ցուցանիշներով դուք կարող եք ուտել այնքան, որքան ցանկանում եք և չգիրանալ, բայց ինձ համար ճարպի տոկոսը նույնիսկ մինչև 15-16% իջեցնելը մի ամբողջ արվեստ է և հսկայական աշխատանք ինքս ինձ վրա:

Ես միշտ ասում եմ, որ ցանկացած նոր ձառնարկած գործում կարևորը կանոնավորությունն ու հետեւողականությունն է։

Չեմ կարող ասել, որ ես պաշտպանում եմ բոդիպոզիտիվը, ավելին՝ ես դրան քննադատաբար եմ վերաբերվում: Իմ կարծիքն այն է, որ պլյուս չափերի մոդելները պետք է ավելի շատ  հոգ տանեն իրենց առողջության մասին և պարբերաբար հետազոտվեն: Այո, Էշլի Գրեմը շատ գեղեցիկ է, նա ավելի լավ տեսք ունի, քան բոլոր այն գերեր կանայք, ում մեզ ցույց են տալիս համացանցում, բայց մենք նրա բժշկական գրառումները չենք տեսել: Սա անորեքսիայի հակառակ կողմն է: Եթե ​​այսօր շատ մարդիկ խոսում են բոդիպոզիտիվի մասին, դա չի նշանակում, որ 100 կգ քաշը նորմ է: Առողջությունն առաջին տեղում է: Բոլոր բժիշկները, որոնց ես դիմել եմ, համոզված են, որ ավելորդ քաշը միշտ վատ է: Եվ ես դա գիտեմ ինքս ինձ համար։ Եթե ես 65 կգ եմ, իսկ իմ հասակը 168 սմ է, դա նշանակում է, որ ես շատ վատ մարզավիճակում եմ, և դա ազդում է իմ կյանքի որակի վրա:

Իմ գլխավոր կանոնները սպորտում

    1. 1. Ես մարզվում եմ շաբաթական առնվազն երեք անգամ և համատեղում եմ ֆունկցիոնալ մարզումը, ձգումները և հիմնական ծանրամարզումը:
    2. Օրինաչափություն և հետեւողականություն: Որպեսզի լավ տեսք ունենամ, ես պետք է զբաղվեմ սպորտով և շատ ակտիվ։
    3. Ինտերվալ մարզումների ժամանակ ես օգտագործում եմ սրտի մակարդակի ցուցիչ: Այն թույլ է տալիս վերահսկել սրտի զարկերի հաճախականությունը, հետեւաբար՝ մարմնի վիճակը և ճարպի այրման գործընթացը: Ես միշտ առավոտյան եմ սպորտով զբաղվում: Մարզումներից հետո մինչև աշխատանքային օրվա ավարտը բավականաչափ էներգիա եմ ունենում, այնպես որ երեկոյան էլ ուժ եմ ունենումմ ինձ ընտանիքիս  նվիրվելու համար:

  Կարգախոսներ

  1. «Այսօր ես 43 տարեկան եմ, ուզում եմ լավ տեսք ունենալ, ուզում եմ դրդել մարդկանց փոխվել դեպի լավը ։»
  2. «Դուք կարող եք համակերպվել ձեր բնության հետ, բայց կարող եք պայքարել և փոխել այն: Իմ ընտրությունը երկրորդն է»:
  3. «Եթե ես ինձ թույլ տամ հանգստանալ, դա միանգամից կարտացոլվի իմ կազմվածքի վրա: Ես գիտակցում եմ դա, բայց ես խուճապի չեմ մատնվում, չեմ ընկճվում, չեմ նախանձում նրանց, ովքեր գենետիկորեն հակված չեն ավելորդ քաշի, ես գործում եմ»։